2012 წლის მთვარის კალენდარი

2012 წლის მთვარის კალენდარი

მთავრის კალენდარი – ერთ–ერთი უძველესია დედამიწაზე. როგორც კი ჩვენმა წინაპრებმა დაიწყეს ცივილიზაციის საფუძვლის  ჩაყრა, მათ შექმნე ასევე მთვარის კალენდარი. დღეების აზომვის აუცილებლობა უკვე მაშინ წარმოიშვა, ხოლო მთვარის მიხედვით მისი დათვლა იყო გაცილებით მარტივი, რამდენადაც მისი თვალყურის დევნება შეიძლებოდა ყოველი ღამე. მათთვის, ვისა სჯერა ცის მნათობების გავლენის ადამიანის ცხოვრებაზე, ჩვენ ვაქვეყნებთ ვრცელ მთვარის კალენდარს 2012 წლისთვის: იანვარი 10:14; 01 იანვარი მთვარე, ზრდადი ვერძში, პირველი მეოთხედი, 11:30; 09 იანვარი მთვარე კირჩხიბში, სრული მთვარე, 13:07; 16 იანვარი მთვარე, კლებადი სასწორში, ბოლო მეოთხედი, 11:39; 23 იანვარი მთვარე მერწყულში, ახალი მთვარე, 08:09; 31 იანვარი მთვარე, ზრდადი კუროში, პირველი მეოთხედი, თებერვალი 01:53; 08 თებერვალი მთავრე ლომში, სრული მთვარე, 21:03; 14 თებერვალი მთვარე, კლებადი ღრიანკალში, ბოლო მეოთხედი, 02:24; 22 თებერვალი მთვარე თევზებში, ახალი მთავრე, მარტი 05:21; 01 მარტი მთვარე, ზრდადი ტყუპებში, პირველი მეოთხედი, 13:39; 08 მარტი მთვარე ქალწულში, სრული მთვარე, 05:25; 15 მარტი მთვარე, კლებადი მშვილდოსანში, ბოლო მეოთხედი, 18:37; 22 მარტი მთვარე ვერძში, ახალი მთვარე, 00:40; 31 მარტი მთვარე, ზრდადი კირჩხიბში, პირველი მეოთხედი, აპრილი 00:18; 07 აპრილი მთვარე სასწორში, სრული მთვარე, 15:49; 13 აპრილი მთვარე, კლებადი თხის რქაში, ბოლო მეოთხედი, 12:18; 21 აპრილი მთვარე კუროში, ახალი მთვარე, 14:57; 29 აპრილი მთვარე, ზრდადი ლომში, პირველი მეოთხედი მაისი 98:35; 06 მაისი მთვარე ღრიანკალში, სრული მთვარე, 02:46; 13 მაისი მთვარე, კლებადი ერწყულში, ბოლო მეოთხედი, 04:47; 21 მაისი მთვარე ტყუპებში, მზის დაბნელება, ახალი მთვარე, 01:16; 29 მაისი მთვარე, ზრდადი ქალწულში, პირველი მეოთხედი, ივნისი 16:11; 04 ივნისი მთვარე მშვილდოსანში, მთვარის დაბნელება, სრული მთვარე, 15:41; 11 ივნისი მთვარე, კლებადი თევზებში, ბოლო მეოთხედი 20:02; 19 ივნისი მთვარე ტყუპებში, ახალი მთვარე, 08:30; 27 ივნისი მთვარე, ზრდადი სასწორში, პირველი მეოთხედი, ივლისი 23:51; 03 ივლისი მთვარე თხის რქაში, სრული მთვარე 06:47; 11 ივლისი მთვარე, კლებადი ვერძში, ბოლო მეოთხედი, 09:24; 19 ივლისი მთვარე კირჩხიბში, ახალი მთვარე, 13:56; 26 ივნისი მთვარე, ზრდადი ღრიანკალში, პირველი მეოთხედი, აგვისტო 08:27; 02 აგვისტო მთვარე მერწყულში, სრული მთვარე, 23:54; 09 აგვისტო მთვარე, კლებადი კუროში, ბოლო მეოთხედი, 20:54; 17 აგვისტოში მთვარე ლომში, ახალი მთვარე, 18:53; 24 აგვისტო მთვარე, ზრდადი მშვილდოსანში, პირველი მეოთხედი, 18:58; 31 აგვისტოში მთვარე თევზებში, სრული მთვარე, სექტემბერი 18:15; 08 სექტემბერი მთვარე ტყუპებში, ბოლო მეოთხედი, 07:10; 16 სექტემბერი მთვარე ქალწულში, ახალი მთვარე, 00:40; 23 სექტემბერი მთვარე თხის რქაში, პირველი მეოთხედი, 08:18; 30 სექტემბერი მთვარე ვერძში, სრული მთვარე, ოქტომბერი 12:33; 08 ოქტომბერი მთვარე, კლებადი კირჩხიბში, ბოლო მეოთხედი, 17:02; 15 ოქტომბერი მთვარე სასწორში, ახალი მთვარე, 08:31; 22 ოქტომბერი მთვარე, ზრდადი თხის რქაში, პირველი მეოთხედი, 23:49 ოქტომბერი მთვარე კუროში, სრული მთვარე, ნოემბერი 04:35; 07 ნოემბერი მთვარე, კლებადი ლომში, ბოლო მეოთხედი, 02:08; 14 ნოემბერი მთვარე ღრიანკალში, მზის დაბნელება, ახალი მთვარე, 18:31; 20 ნოემბერი მთვარე, ზრდადი მერწულში, პირველი მეოთხედი, 18:45; 28 ნოემბერი მთვარე ტყუპებში, მთვარის დაბნელება, სრული მთვარე, დეკემბერი 19:31; 06 დეკემბერი მთვარე, კლებადი ქალწულში, ბოლო მეოთხედი, 12:41; 31 დეკემბერი მთვარე მშვილდოსანში, ახალი მთვარე, 09:19; 20 დეკემბერი მთვარე, ზრდადი თევზებში, პირველი მეოთხედი, 14:21; 28 დეკემბერი მთვარე კირჩხიბში, სრული მთვარე.

პლანეტარია . პლანეტები ,ასტეროიდები და ფიქტიური პლანეტები. მათი მნიშვნეობა

ეროგენული ზონები ზოდიაქოს ნიშნების მიხედვით

ვერძი – ზოდიაქოს ამ ნიშნის ქვეშ დაბადებულებს განსაკუთრებულად მგრძნობიარე ნერვული დაბოლოებები სახესა და თავზე აქვთ. ვერძებს ძალიან უყვართ შუბლზე, თმაზე და საფეთქლებზე ნაზი შეხება. ამ ნიშანთან, სექსუალური ურთიერთობის დასაწყებად, ყურის ბიბილოზე შეხებაც კი შეიძლება საკმარისი აღმოჩნდეს.
კურო – მისი მგრძნობიარე ზონა ყელი და კისერია. თუ კუროს „გაგიჟება“ გსურთ, უბრალოდ შეეხეთ, ან ალერსიანად აკოცეთ მას კისერზე და შედეგიც არ დააყოვნებს. მაგრამ გახსოვდეთ, კუროს უყვარს, როდესაც მოვლენები მშვიდად და ნელი ტემპით ვითარდება.
ტყუპები – ყველაზე სენსიტიური მათი ხელები, განსაკუთრებულად კი თითები არის. ქალ ტყუპებს უყვართ, როდესაც ხელებზე ჰკოცნიან. სცადეთ და შეეხეთ ტყუპების თითებს და არ გაგიკვირდეთ ხელებზე ხანგრძლივ კოცნას სიამოვნების კანკალი თუ მოჰყვა.
კირჩხიბი – ეს ნიშანი დაბადებულია „ფრანგული კოცნისათვის“. მათი მგრძნობიარე ადგილია მკერდი.
ლომი – განსაკუთრებულად მგრძნობიარე ადგილი ლომებისათვის ზურგია. მხრებისა და ზურგის მასაჟი მათ სექსუალურ ენერგიას აღვიძებს.
ქალწული – თუ თქვენ ქალწულების მგრძნობიარე ადგილს ეძებთ, გახსოვდეთ რომ ეს მუცელია. ქალწული განსაკუთრებულად რეაგირებს აგრეთვე წელზე შეხებისას.
სასწორი – ამ ნიშნის სენსიტიური ზონა წელი და საჯდომია. წელზე ოდნავი შეხება მათთვის შეიძლება სიგნალი აღმოჩნდეს.
მორიელი – მათ ყველაზე მგრძნობიარე, სექსუალური ორგანოები აქვთ. მორიელის „გაღვიძება“ თუ გსურთ, ეს ინფორმაცია გამოგადგებათ.
მშვილდოსანი – ზოდიაქოს მეცხრე ნიშნის ეროტიული ზონა წელი და თეძოებია. ქალი მშვილდოსანისათვის ასევე მნიშვნელოვანია თმაზე შეხება.
თხის რქა – მამაკაც თხის რქებს უყვართ, როდესაც ქალის მკერდი ეხებათ. ქალი თხის რქები კი, მუცელსა და ხელებზე კოცნაზე გიჟდებიან. ორივე სქესის ნიშანს უყვარს ზურგის მასაჟი.
მერწყული – ამ ნიშნის წარმომადგენლებს ყველაზე უცნაურ ადგილას აქვთ განლაგებული ეროტიული ზონები, ესენია იდაყვები, მუხლები და ფეხის კოჭები. ამ ადგილებში შეხება მათ სურვილს უღვიძებთ.
თევზები – მეთორმეტე ნიშნის ქვეშ დაბადებულებს ეროგენული ზონა ფეხის ტერფებზე აქვთ. ფეხების მასაჟი მათთვის დიდი სიამოვნებაა.

რეტროგრადული ვენერა სახლებში

რეტროგრადული ვენერა სახლებში
 

I - სახლი - ამ ადამიანს შესაძლოა აწუხებდეს ნარცისიზმი. იგი შეყვარებულია საკუთარ თავზე და უნდა, რომ იგი ყველას უყვარდეს, მაგრამ თვითონ არავის სეყვარება არ სურს.
 

II - სახლი - ამ ადამიანს აწუხებს მატერიალური და ფინანსური კეთილდღეობა მეტად, ვიდრე სიყვარული. ეს ადამიანები ხშირად თვითონ ქმნიან ხელოვნების ნიმუშებს, მაგრამ ეს ნივთები რაღაცით მაინც მიმართულია წარსულისაკენ (მაგალითად , ხატავენ ისტორიულ პანოებს). ისინი უნდა ეცადონ განთავისუფლდნენ მატერიალიზმისგან, განავითარონ სიკეთე და ხელგაშლილობა და მეტად იზრუნონ უანგარო სიყვარულზე.
 

III - სახლი - ეს ადამიანები ხასიათდებია კამათისადმი მიდრეკილებით, უჭირთ დელიკატურობისა და ტაქტის დაცვა, არიან მოუხერხებლები . თუ გააკონტროლებენ ამ თვისებებს, მაშინ ისინი არ დაკარგავენ ახლო ადამიანებს და გაიუმჯობესებენ ცხოვრებას.
 

IV- სახლი - ამ ადამიანებს არ აკმაყოფილებთ თავისი ოჯახური ცხოვრება, მეუღლესტან ურთიერთობა. მისი ემოციები ბოლომდე არაა განვითარებული. იგი არ უნდა შეუშინდეს ცხოვრებას, მეტად რბილი, თბილი და ნაზი იყოს სხვებთან და დაიცვას თავისი ოჯახი.
 

V - სახლი - ამ ადამიანებს აქვთ მიდრკილება აზარტული თამაშებისადმი. ეს ის ხალხია, რომლებიც მხოლოდ საკუთარ სიამოვნებასა და ზედაპირულ გატაცებებზე ფიქრობენ. ისინი იშვიათად ხდებიან ჭეშმარიტად შეყვარებულები, უჭირთ ბავშვებზე ზრუნვა. აუცილებელია ამ ადამიანებმა ისწავლონ ერთგულებადა სიყვარულიდა ზედმიწევნით შეასრულონ მშობლის მოვალეობები და ვალდებულობები.

VI - სახლი - ამ პოზიციაში რეტროგრადული ვენერა აყალიბებს გაუმაძღარ და არაჰიგიენურ ადამიანებს. ამის გამო ისინი ხშირად ავადდებიან შესაბამის დაავადებებით და უწევთ დაიცვან კვების რეჟინუ და რაციონი. მათ უნდა ემსახურონ გაჭირვებულ ადამიანებს.

VII- სახლი - აყალიბებს ზედმეტად გაზრდილ ინდივიდუალიზმს და ამასთან დაკავშირებულ უსიამოვნებებს როგორც ქორწინებაში , ისევე საქმეში. ისინი სიამოვნებით ღებულობენ სხვებისგან მათთვის გამოყოფილ სიყვარულს, მაგრამ საპასუხოდ არავის არაფერს არ აძლევენ.
მათ უნდა განავითარონ მორჩილება და ეცადონ ქორწინებასა და საქმეებში მიაღწიონ ჰარმონიას. აუცილებლად სცენ პატივი სხვის აზრებსა და სურვილებს.
 

VIII- სახლი - ეს პოზიცია ადამიანებს სესხისა და ფულის გამო დიდ პრობლემებს უქადის. სიტუაციის გამოსასწორებლად ამ ადამიანებმა სხვისი ფულის მართვისას მაქსიმალური პატიოსნება და სიზუსტე უნდა გამოავლინოს. უნდა გააკონტროლონ თავიანთი სექსუალური კავშირები და მეტად იზრუნონ სასიყვარულო პარტნიორებზე.

IX - სახლი - ადამიანს აფრთხილებს არამარტო სიტყვაზე დაიცვას კანონი და დემაგოგია, არამედ თვითონ მისცეს მაგალითი გარშემომყოფებს. კარგი იქნება თუ ასევე განავიტარებს თავის სულიერებასა და მოთმინების უნდარს.

X - სახლი - აკნინებს ადამიანის სოციალურ და კარიერულ წარმატებას. მათ ძალზედ დიდი წარმოდგენა აქვთ საკუტარ თავზე და ხშირად სხვებზე მაღლა აყენებენ თავს, რის გამოც ავადმყოფურად ამპარტავნები არიან. მათ ძალაინუნდათ მაღალი მდგომარეობის დაკავება, წარმატების მიღწევა, პოპულარობა. ამისათვის გარკვეულ გარკვეული მონაცემები მართლაც გააჩნიათ, მაგრამ აღიარებისთვის მართლად მოუწევთ თავგამოდებით შრომა და რაც მთავარია, არავინ არ უნდა დააყენონ თავიანთ თავზე დალა.
 

XI - სახლი - გაფრთხილებთ არ გაიჩინოთ უღირსი მეგობრები, რომლებიც ქათინაურებითა და არაკეთილსინდისიერი მიპყრობით არამარტო დაგინგრევენ ცხოვრებას, არამედ ბევრ ტკივილსაც მოგაყენებენ. ეცადეთ ზედმიწევნით აარჩიოთ თქვენი გარემოცვა და უკეთ ჩაწვდეთ ადამიანთა შინაგან ბუნებას.
 

XII - სახლი - ეს ადამიანეი თავს ვერ ანებებენ და ვერ ივიწყებენ ძველ სიყვარულს. ეს ადამიანები ზედმეტად რომანტიულები არიან, არარეალურები და მეოცნებენი არიან.მათ მუდმივად ეცოდებათ საკუთარი თავი, ცხოვრობენ სიყვარულისგან ნაიარევი გულით, რაც მუდმივად აწუხებთ. მათ უნდა ისწავლონ ძველისა და გამოუსადეგარსაგან განთავისუფლება და თავიანთი სულიერი სიმძიმე უნდა მიახმარონ ხელოვნებას და უპოვონ რაიმე სხვა ჰუმანური გამოყენება.

რეტროგრადული ვენერა

პლანეტა ვენერა მერკურისთან შედარებით იშვიათად ხდება რეტროგრადული.ეს შეიძლება მოხდეს წელიწადში ერთხელ.2008 წელს საერთოდ არ გამხდარა რეტროგრადული.
ჩევულებრივ ყოფიერებაში ამ პერიოდშისიმპათიების გადანაწილება დამახინჯებულად ხდება. ძნელდება პრიორიტეტების გამოყოფა, ან პრიორიტეტები,სიმპათია - ანტოპათიის დაგანაწილება შეცდომითია. კნინდება ფასეულობები. ეს პერიოდი არ არის ხელსაყრელი ქორწინებისათვის, ნიშნობისათვის. ახალი ადამიანების გაცნობისასაც კი ეს ურთიერთობა არ იქნება ხანგლძლივი და მყარი. საქმე ისაა, რომ ამ დროს ადამიანებს ებინდებათ წარმოდგენები და მათ უჭირთ განსაზღვრონ, თუ ვინ და რა მოსწონთ, ვინ და რა სჭირდებათ. და თუ ამ დროს ჩამოყალიბდა ურთიერთობა, ორივე პარტნიორი დრო და დრო დაფიქრდება იმაზე, სწორი იყო მისი არჩევანი თუ ეს მას სრულებით არ სჭირდება.
რეტროგრადული ვენერის დროს არ არის სასურველი ლამაზი, ძვირფასეულობის და მოდური ნივთების , ტანსაცმლის ყიდვა.რაც ესთეტიურ მოთხოვნილებების დაკმაყოფილებას, სიამოვნებასა და გართობას ემსახურება, ამ დროს სჯობს გადავდოთ მანამ, სანამ ვენერა არ გახდება დირექტული. მხოლოდ იმის შემდეგ რაც ვენერა გახდება სწორმავალი (დირექტული) გამოსწორდება გემოვნებაც, და შესაძლოა აღმოაჩინოთ ნივთი რომელიც შეიძინეთ რომელიც არ მოგწონთ და არასოდეს იხმართ. ან ვინმე მოგეწონათ რეტროგრადული ვენერას დროს ხოლო დირექტული ვენერას დროს თქვათ, ეს რამ მომაწონა , თვალები სად მქონდა აქამდე.
როგორც წესი , პირად ჰოროსკოპში რეტროგრადული ვენერას მქონე ადამიანების სიმპათია მიმართულია შინაგანი მდგომარეობის ფაქტორზე. ამ ადამიანებს მუდამ ეპარებათ ეჭვი იმაში რომ ისინი ვინმეს მაინც უყვართ. მართ სირთულეები აქვსთ საწინააღმდეგო სქესის მიმართ. მათ უჭირთ თავიანთი სიმპათიის განსაზღვრა და ადექვატურად ვერ პასუხობენ სხვა ადამიანების მათ მიმართ გამოხატულს სიმპათიას. ამის გამო რთულდება ხანგლძლივი და ძლიერი სასიყვარულო კავშირის ჩამოყალიბება. ყველა სასიყვარულო ურთიერთობაში უშვებენ ერთსა და იმავე შეცდომას და მუდმივად ჩაკეტილ წრეზე მოძრაობენ. ამ ადამიანებს ძალიან უჭირთ მარტოობა. ისინი ავადმყოფურად მიილტვიან სიყვარულისაკენ, მაგრამ საკუთარი თავის რეალიზება ვერ ხერხდება. ამის გამო მათ უჭირთ გათხოვება ან ცოლის მოყვანა. სავარაუდოდ ეს ადამიანები წინა ცხოვრებაში უარყოფდნენ სიყვარულს, რის გამოც ეხლა უწევთ მისი მუდმივად ძებნა. ქალებიცა და კაცებიც ძალიან ეჭვიანები არიან. მათ უჭირს საკუთარი გამოჩენის გარეშე რამეს მოქმედება. მუდმივი ეჭვის გამო ხშირად უარს ამბობენ სიყვარულზე და ამით კარგავენ საკუთარ ბედნიერებას. რამეთუ ვენერასთანაა დაკავშირებული ფულიც, რეტროგრადული ვენერა ფინანსურ შეზღუდვებვებსა და პრობლემებთანაც არის დაკავშირებული.
მიუხედავად ამ თვისებებისა, რეტროგრადული ვენერას მქონე ადამიანები თვაიანთი მეგობრებისათვის, ნაცნობებისა და ახლობლებისათვის ძალიან კარგი მაჭანკლები არიან. ისინი სიამოვნებას პოულობენ სხვა ადამიანების გაცნობაში , დაახლოვებასა და დაქორწინებაში. ის რაც უჭირთ თავისი თავისთვის, ეადვილებატ სხვებთან მიმართებაში, ამიტომაც აქორწინებენ ყველეას, საკუთარი თავის გარდა. ეს ადამიანები ხშირად ხასიათდებიან ხელოვნების სხვადასხვა სფეროში ნიჭირებით. არიან ძალიან ორიგინალურები და არაორდინალუები და გააჩნიათ ყველასგან განსხვავებული მხატვრული ხედვა და გემოვნება. იშვიათად ხდება ისეც, რომ რეტროგრადული ვენერა განაპირობებს არადრადიციულ სექსუალურ შეხედულებას ან სექსუალურ უმცირესობას.
ისევე როგორც მერკურის რეტროგრალობისას, რეტროგრადული ვენერის მქონე ადამიანებსაც გააჩნიათ ცხოვრების მნიშვნელოვანი ეტაპები, როდესაც ემთხვევა ვენერას შემობრუნების პერიოდი.
ამ დროს საგძნობლად იზრდება ამ ადამიანების პარტნიორული ურთიერთობის რაოდენობა, ყალიბდება სასიყვარულო კავშირი. ამ დროს ყველაზე კარჩაკეტილი შინაბერებიც კი ცდილობენ აინაზღაურონ დაკარგული წლები და თუ ვერ ქორწინდებიან, იგემონ მაინც დიდი სიყვარული.
იმის მიხედვით თუ რომელ ხაზშია განლაგებული პირად ჰოროსკოპში რეტროგრადული ვენერა, შეგვიძლია უფრო დაწვრილებით ვისაუბროთ მის მიერ შექმნილ პრობლემებზე.

ტრანზიტული მთვარის ინტერპრეტაცია

მთვარე თხის რქის ზოდიაქოს ნიშანში

თხის რქის ნიშნის ძალა განსაკუთებულ ზეგავლენას ახდენს კანზე, მუხლებსა და მთლიანობაში ჩონჩხზე. იმ დღეებში, როდესაც მთავრე იმყოფება თხის რქის ზოდიაქოს ნიშანში, ყველაფერი ექვემდებარება ვალდებულებისა და პასუხისმგებლობის გრძნობას.

თხის ნიშანში მთვარის დროს სასარგებლოა წესრიგის დამყარება, ყველაფრისთვის თავისი ადგილის მიჩენა. მხოლოდ იმ პრობლემით იყავით დაკავებულნი, რომლებიც მოითხოვს ნათელ აზროვნებას.



მთავრე თხის რქაში ხელს გიწყობთ არასაცხოვრბელი შენობების, ანტიკვარიატის შეძენაში. რეკომენდებულია სამკურნალო შიმშილობის ჩატარება. არასასურველია ოპერაციები,რომლებიც ძვლებთანაა დაკავშირებული, განსაკუთრებით მუხლების სახსრებთნ. თუ განსაკუთრებული ტკივილი არ გაწუხებთ, გირჩევთ ექიმთან ვიზიტი სხვა დროისთვის გადადოთ.



მთვარე მერწყულის ზოდიაქოს ნიშანში.

მერწყულის დღეების ენერგია განსაკუთრებულ ზეგვალენას აზდენს ბარძაყების ქვედა ნაწილსა და კოჭის სახსრებზე.

ეს ხელსაყრელი პერიოდია ყველა წყლის პროცედურებისთვის. მერწყულის დღეებში სასარგებლოა ფიზიკური დატვირთვა.

როდესაც მთავრე იმყოფება მერწყულის ზოდიაქოს ნიშანში, ჩვენ თავს ვგრძნობთ თავისუფლად და არაორდინარულად. ქვეცნობიერად მივილტვით რაღაც ახლისკენ და არაჩვეულებრივისკენ.

მთვარე მერწყულში ხელს გიწყობთ ელექტროტექნიკის, კომპიუტერების, ყოველივე ახლის და არაორდინარულის შეძენაში.არასასურველია სისძარღვებზე ოპერაციები თავის ქალის არეში.



მთვარე თევზების ნიშნის ზოდიაქოში

ამ დღეებში მწვავდება ინტუიცია, ეს არის გონების განათების დრო. მაგრამ ამ ნიშანს უკუმხარეც აქვს – მეტისმეტი მგრძნობიარობა და სენტიმენტალურობა, და შესაბამისად – გულჩვილობა და გადაჭარბებული მიმნდობელობა.

იმ დღეებში, როდესაც მთვარე იმყოფება თევზების ნიშანში, ჩვენ ვხდებით რომანტიულები და მეოცნებეები.

მთავრე თევზებში ხელს გიწყობთ სამედიცინო პრეპარატების და ქიმიური რეაქტივების შეძენაში. განგაწყობთ ქველმოქმედებისკენ და მეცენატობისკენ, მაგრამ უფრთხილდით მოტყუებასა და თაღლითობას.

არასასურველია ისეთ მკურნალობის მეთდები, რაც გავლენას ახდენს ლიმფატიკურ სისტემაზე, ასევე ქირურგიული ოპერაციები ლიმფატიკურ კვანძებზე, ჯირკვლებზე, ენდოკრინულ სისტემაზე. არაა რეკომენდებული გრძნობის ორგანოებზე ოპერაციის გაკეთება, ღვიძლზე და ფეხებზე. ამ პერიოდში მგრძნობიარეა კანი, იზრდება ალერგიის საფრთხე.



მთვარე ვერძის ზოდიაქოს ნიშანში

ვერძს ნიშანში მთავრისას თავი უნდა ავარიდოთ ზედმეტ ფიზიკურ დატვირთვას.ვერძის ნიშანი ასევე მოქმედებს თვალებზეც, ამიტომაც არ ღირს მათი ზედმეტად გადაღლა.

მთვარე ვერძში ხელს გიწყობთ ავტომობილის და სხვა ტექნიკის ყიდვაში. პრეზენტაციები ჩაივლის ბრწყინვალედ, ხოლო რეზულტატებმა სპორტულ შეჯიბრებებში შესაძლოა გადაჭარბოს ყოველ მოლოდინს. არაა რეკომენდებული თავის არეში ოპერაციის დაგეგმვა, ასევე აქტიური მკურნალობა. არასასურველია შიმშილობა და მწარე საკვების მიღება.

როდესაც მთვარე იმყოფება ვერძის ზოდიაქოს ნიშანში, თმის შეჭრა არასასურველია.



მთვარე კუროს ზოდიაქოს ნიშანში

იმ პერიოდში, როდესაც მთვარე კუროს ზოდიაქოს ნიშანში იმყოფება, არაა რეკომენდებული კბილისი ექიმთან მისვლა. ამ პერიოდშ სასარგებლოა სხვადასხვა ინჰალაციის გამოყენება და ყელის გამოვლება. კუროს ჩვენს ცხოვრებაში შემოქვს გარკვეული სიმშვიდე. ჩვენ ვხდებით იოლად მსუბუქად ფლეგმატურები და წამოსადგომად მძიმენი.

კუროში მთვარისას სასარგებლოა ყოველდღიური საოჯახო საქმეების კეთება.ა სევე მნიშვნელოვანია, რომ კუროს ზოდიაქოს ნიშანში მთვარის ყოფნის პერიოდში თქვენ კარგად და მოყიერად იკვებოდ. როდესაც მთვარე ხვდება კუროს ზოდიაქოს ნიშანში, ძლიერ გავლენას გრძნობენ ყბები და კისერი.

კოსმეტოლოგიური სალონში ვიზიტი განსაკუთრებით სასარგებლო იქნება კუროს ნიშნის ქვეშ. მთვარე კუროში – შესანიშნავი დროა საუცხოო ნივთებისა და სამკაულების შეძენისთვის.

ხელს გიწყობთ საქონლის და საყოფაცხოვრებო პროდუქციის შეძენაში, ბაღში მუშაობაში. კულინარიული კერძები განსაკუთრებით გემრიელად გამოგივათ.

არასასურევლია ქირურგიური ჩარევა ყელის არეში.



მთვარე ტყუპების ზოდიაქოს ნიშანში

ხელსაყრელი დროა ღვიძლზე სამკურნალო პროცედურების ჩასატარებლად, ასევე ბარძაყების არეში ოპერაციების ჩასატარებლად. ტყუპების იმპულსი გავლენაზ ახდენს მხრებზე, ხელებსა და საკუთრივ ფილტვებზე.

ტყუპებისთვის – ესაა დრო არასტანდარტული ქმედებებისთვის და მოულოდნელი გადაწყვეტილებებისთვსი.

მთვარე ტყუპებში – შესაფერისი დროა, რათა დაწეროთ წერილი; საქმიანი კონტაქტები ამ დღეებში ადვილად ფუძდება. იქმნება სასურველი სიტუაცია ყოველგვარი აზრების გადაცვლისთვის, ურთიერთობისთვის. სასურველია ნაკლებად მოსწიოთ და შეძლებისდაგვარად თავი შეიკავოთ ყავისგან.



მთვარე კირჩხიბის ზოდიაქოს ნიშანში

ამ დღეებში რეკომენდებულია ქვებისა და შლაკების გამოდევნის მიზნით ჩატარებული პროცედურების ჩატარება. შეიძლება კბილების ამოღება და მკურნალობა, პროთეზების ჩაყენება. მიზნობრივია ოპერაციები ფეხებზე, მუხლებსა და კოჭებზე.

კირჩხიბის თანავარსკვლავედი – მთვარის სავანე, რამეთუ ის მის „მმართველს“ წარმოადგენს. ამიტომაც მთვარის გავლენა მეტად ძლიერია სწორედ ამ შუალედში.

მთავრე კირჩხიბში გავძლევს გამწვავებულ ინტუიციას, მომეტებულ მგრძნობელობას. ამ პერიოდში არაფერი გააკეთოთ დაუფიქრებლად, ნუ დადგებით რისკის წინაშე. თუ თქვენ ინტუიციას უგდებთ ყურს, ის არ გიღალატებთ.

მთვარე კირჩხიბში გიწყობთ კვების პროდუქტების, სამელების ყიდვაში. ხელსაყრელი დროა, რთა შეიძინოთ საცხოვრებელი სახლი ან მიწის ნაკვეთი.

უმჯობესდება მადა და ქვეითდება ყურადღება. მეტად არასასუველია ქირურგიული ჩარევა კუჭის არეში, ქალებში – მკერდის არეში.



მთვარე ლომის ზოდიაქოს ნიშანში

ამ დღეებში შესაძლებელი ხდება ბევრი საქმეების კეთება. ჩვენ გვიჩნდება თავდაჯერებულობა ჩვენს ძალებში.

ლომის დღეები განსაკუთრებულად კარგია ზეიმებისთვის და მხიარულობისთვის.

ლომის დღეები ძლიერ ზეგავლენას ახდენენ გულზე და სისხლის მიმოქცევაზე, ასევე ზურგზე, დიქფრაგმასა და თმებზე.

ლომის ნიშნის ქვეშ შეგიძლიათ ჩაიტაროთ სისხლძარღვთა ყველა დაავადებაზე და ნერვული სისტემის დაავადებებზე. რეკომენდებულია წვივების, სახსრების, მხედველობის ორგანოების მკურნალობა.

მთვარე ლომში ხელს გიწყობთ ძვირფასეულობის, ოქროს და პრესტიჟული ნივთების შეძენაში.

ხელსაყრელი დროა პრეზენტაციისთვის, მაღალი წრის რაუტებისა და დარბაზობისთვის.

აღინიშნება გაძლიერებული დაღლილობა, გადამეტებული ფიზიკური დაძაბულობა შესაძლოა აისახოს გულის მოქმედებაზე. გირჩევთ გადადოთ ოპერაცია გულზე და ხერხემალზე.



მთვარე ქალწულის ზოდიაქოს ნიშანში

განსაკუთრებული ძალა ქალწულის ნიშნისა გავლენას ახდენს მუცელზე და უპირველეს ყოვლისა კუჭის მოქმედების ორგანოებზე. შაგიძლიათ ჩაიტაროთ პროცედურები ღვიძლის გასუფთავების მიზნით, უმკურნალოთ კანს. ეს დრო ასევე ხელსაყრელია კოსმეტიკური პროცედურებისთვის და პლასტიკრუი ოპერაციებისთვის მოსამზადებლად. თავად პლასტიკური ოპერაცია კი მიზანშეწონილია ჩატარდეს სასწორის ზოდიაქოს ნიშანში მთვარის ყოფნისას. ქალწულის ამ დღეებში მრავალი ადამიანი ხდება რაციონალური და პრაქტიკული. როდესაც მთვარე იმყოფება ქალწულის ნიშანში, უმჯობესია გადაწყვიტოთ ყოველღიური პრობლემები, შეასრულოთ ჩვეული ყოველდღიური საქმეები.

მთვარე ქალწულში ხელს გიწყობთ ინსტრუმენტების, სასუქების, შინაური ცხოველების შეძენაში. ისეთ საკითხებში გფარველობთ, რაც ეხება, ასე ვთქვათ „ნოუ–ჰაუს“ შეძენას. ხელსაყრელი დროა ვაკანტურ ადგილებზე მომსახურე პერსონალის მისაღებად. ასევე ღირს სახლის დალაგებას და პირად ჰიგიენას მოჰკიდოთ ხელი. ყურადღება მიაქციეთ ნაწლავების მოქმედებას. გირჩევთ გადადოთ ოპერაცია მუცლის ღრუს არეში.



მთვარე სასწორის ზოდიაქოს ნიშანში

სასწორის ძალები გავლენას ახდენენ უპირველეს ყოვლისა ბარძაყებზე, შარდის ბუშტზე და თირკმელებზე. შეგიძლიათ პლასტიკური ოპერაციის გაკეთება, ამოიღოთ კბილები, იმკურნალოთ ყურებზე. სწორედ სასწორის ამ დღეებში გმართებთ დაიწყოთ პროცედურები ზედმეტი წონის მოსაცილებლად.

სასწორის ნიშანს ახასიათებს წონასწორობა, სიმშვიდე, ჰარმონია. ადამიანები ამ პერიოდში შეუმეცნებლად ისწრაფიან სილამაზისკენ და დახვეწილობისკენ... სასწორში მთავრისას ადვილია იპოვო საერთო ენა სხვა ადამიანებთან. მაგრამ ამავე დროს, სასწორის ზოდიაქოს ნიშანში მთავრის ყოფნისას ადამიანები მიდრეკილნი არიან მერყეობისკენ, გადაუწყვეტელობისკენ, ეჭვებისკენ.

მთავრე სასწორში – ეცადეთ თავი აარიდოთ ნებისმეირ გარჩევებს ურთიერთობებში. დღეები ხელსაყრელია ხელოვნების ნიმუშების შეძენისთვის, საქმიანი მოლაპარაკებებისთვის და მაღალი წრის დარბაზობებისთვის.

რეკომენდებულია არ დაიგეგმოს ოპერაციები თირკმელებზე, შარდის ბუშტზე, ელენთაზე.

აუცილებელია განსაკუთრებული სიფრთხილე ჰორმონალური პრეპარატების მიღებისას.



მთვარე ღრიანკალის ზოდიაქოს ნიშანში

ღრიანკალის ნიშანში მთვარისას შეიძლება ენდოკრინული სისტემის (წინამდებარე ჯირკლის გარდა), ყელის, ზევითა სასუნთქი გზების მკურნალობა, შეგიძლიათ ამოიკვეთოთ გლანდები, ადენოიდები, უმკურნლაოთ ჰაიმორიტს, სურდოს, რინიტს.

ზოდიაქოს არცერთი ნიშანი არ ახდენს ასეთ დიდ გავლენას სასქესო ორგანოებსა და შარდგამომყოფ ორგანოებზე, როგორც ღრიანკალი.

როდესაც მთვარე იმყოფება ღრიანკალის ზოდიაქოს ნიშანში, იზრდება დაძაბულობა, ისტერიულობა, ემოციური არასტაბილურობა. ადამიანები ხდებიან ნერვიულები და გაღიზიანებულები. ამ პერიოდში უნდა მომართოთ გონება პოზიტიურ აზრებზე.

მთვარე ღრიანკალში – ხელსაყრელი დროა (ნედლეულის ), ორგანული სასუქების შესყიდვაზე. თუ თქვენ დიდი ხანია აპირებთ რემონტის დაწყებას – ზუსტად რომ დროა დაიწყოთ იგი. გირჩევთ არ დაიწყოთ ურთიერთობების გარჩევა – შედეგი შეიძლება იყოს ყველაზე მოულოდნელი.

საკმაოდ არასასურველია ოპერაციები სასქესო ორგანოებზე და პირდაპირ ნაწლავზე, ასევე ცხვირის არეში.



მთავრე მშვილდოსანის ზოდიქოს ნიშანში

მთვარე მშვილდოსანის ზოდიაქოს ნიშანში ხელს უწყობს მაღალ განსწავლულობას. ამ პერიოდში ჩვენ ადვილად ვითვისებთ ინფორმაციას და ვღებულობთ შესაძლებლობას გადავცეთ ეს სხვებს. იზრდება საზოგადო ცხოვრებაში მონაწილეობის სურვილი.

მშვილდოსანის დღეები განსაკუთრებულად მნშვნელოვანია ხარხემლისთვის და ბარძაყების ზედა ნაწილისთვის.

მშვილდოსანი – აქტიური დაჯერებული მოქმედებების დროა. ასევე ძალინ მნიშვნელოვანია ამ დღეებში არ მიეცეთ ამპარტავნობას.

ხელს უწყობს იმპორტულ ფართომოხმარების საყიდლებს, ასევე სერიოზული და იშვიათი ლიტერატურის შეძენას.

არაა რეკომენდებული ოპერაციის გაკეთება ბარძაყების არეში. არაა ასევე რეკომენდებული ამ პერიოდში ოპერაციის ჩატარება ღვიძლზე, ნაღვლის ბუშტზე, და ასევე სისხლის გადასხმა.

აღმოსავლური ჰოროსკოპი

ვირთხა

ვირთხის წელში დაბადებული ადამიანი უაღრესად ამბიციური, ამასთანავე საოცრად ფრთხილი და მოხერხებულია. საკუთარი ამბიციების დასაკმაყოფილებლად ვირთხა, დასახულ მიზანს პირდაპირი გზით არასოდეს უახლოვდება. როგორც წესი, მას შემოვლითი მანევრები უფრო მოსწონს. ამასთან სასურველი შედეგის მისაღებად, ყველა შესაძლო ვარიანტს შორის, მაქსიმლურად უსაფრთხო და მოკლე გზასაც, უშეცდომოდ და ოსტატურად პოულობს. ვირთხის წელში დაბადებულის ხასიათში მთავარი და ყველაზე განვითარებული თვისება, სიფრთხილეა. მხოლოდ ყველაზე უგუნური ვირთხა ( ასეთები კი, დიდ იშვიათობას წარმოადგენენ) თუ აღმოჩნდება რთულ და გამოუვალ მდგომარეობაში, საკუთარი დაუდევრობის გამო. სამწუხაროდ ვირთხების უმრავლესობა, ინტელექტუალური და გონებრივი კუთხით გაცილებით უკეთაა განვითარებული, ვიდრე ემოციური თვალსაზრისით. აქედნ გამომდინარე ამ ადამიანებს საერთოდ ძნელად ესმით (ან სულ არ ესმით) სხვათა ტკივილი, რომლის პროვოცირების მიზეზიც, არც თუ იშვიათად სწორედ თვითონ არიან ხოლმე. საზოგადოების თვალში, როგორც წესი ვირთხა ყოველთვის უნაკლო რეპუტაციით სარგებლობს, თუმცა არსებობს რიგი შემთხვევები, როცა იგი უჩვეულოდ აგრესიული ხდება და ასეთ დროს გასაკიცხი საქციელის ჩადენაც კი შეუძლია. ერთი შეხედვით ვირთხა, შესაძლოა საკმაოდ კონტაქტურ და გულღია ადამიანად მოგეჩვენოთ, მაგრამ ეს მხოლოდ ერთი შეხედვით! გაითვალისწინეთ, რომ ამ ადამიანებს მხოლოდ საკუთარი საქმეები აინტერესებთ და სხვათა ინტერესების დასაცავად თავს ძალზე იშვიათად იწუხებენ. ამასთან არც გარშემომყოფთა მიმართ გამოირჩევიან განსაკუთრებული, გულღია დამოკიდებულებით და საკუთარი პერსონის შესახებ, ინფორმაციას ძნელად თუ დააცდენინებთ. ვირთხა ბუნებით დიდი შემგროვებელია და შესაშური მონდომებით აგროვებს ყოველგვარ ხარხურას. ხოლო ძველი, მოდიდან გამოსული ნივთების გადაყრაზე ვერაფრის დიდებით დაითანხმებთ. თუმცა ფული არც ტექნიკის უახლესი მიღწევების შესაძენად ენანება, რადგან კომფორტის სიყვარული ძვალ-რბილში აქვს გამჯდარი. გამჭრიახი გონების წყალობით ვირთხას, გარშემომყოფი ადამიანებით მანიპულირების ძალა შესწევს და ამას ოსტატურად იყენებს. მათ შორის ყველაზე უარყოფით ინდივიდებს ძალა შესწევთ, საკუთარი კაპრიზის გამო უახლოეს მეგობარსაც კი დაუფიქრებლად უღალატონ. თუმცა ვირთხების უმრავლესობა მაინც ნაკლებ საშიში საქმიანობით გართობას ამჯობინებს. პირად ურთიერთობებს რაც შეეხება, ვირთხა პარტნიორს ყველაზე ხშირად, საკუთარი მესაკუთრული მიდგომის გამო კარგავს. იგი გულსწორისაგან აფსოლუტურ გულწრფელობას და მორჩილებას ითხოვს, ამასთან თავის მხრივ უფლებას იტოვებს ამ უკანასკნელისგან დაფარული საიდუმლოებები ჰქონდეს. თუმცა თუკი ვირთხა მოწიფულ ასაკში და ისიც სიყვარულით ქორწინდება, ჭეშმარიტი ერთგულებისა და სტაბილურობის ეტალონად იქცევა ხოლმე. მართალია ამ დროს იგი, როგორც პარტნიორი ნაკლებად ვნებიანია, სამაგიეროდ მატერიალური თვალსაზრისით მეუღლეს სრულად უზრუნველყოფს და ოჯახს მაქსიმალურ კომფორტში აცხოვრებს. ვირთხები როგორც წესი ფულიანი ხალხია და ოჯახებსაც შესანიშნავად ინახავენ. პარტნიორული თვალსაზრისით ვირთხას დრაკონი, ხარი ან მაიმუნი შეფერება. აი კურდღელთან ან ცხენთან მისი კავშირი კი, ფატალური შედეგებით შეიძლება დასრულდეს.

 

ხარი

ხარი იმ ადამიანთა კატეგორიას განეკუთვნება, ვისი როგორც ერთი ადგილიდან დაძვრა, ისე შეჩერება ან სულაც დაშინება პრაქტიკულად შეუძლებელია. უსაზღვრო სულის სიძლიერე, მიზანსწრაფულობა და ამტანობა ამ ადამიანებს დიდ დახმარებას უწევს, დასახული ცხოვრებისეული მიზნების წარმატებით განხორციელებაში. ხარი ყოველთვის მუყაითად შრომობს, მას არც სირთულეები აშინებს და არც საკუთარი საქმეების სხვისთვის გადაბარება მოსდის თავში აზრად. თუმცა დახარჯული ენერგიის ადექვატურ შედეგს, იგი იშვიათად იღებს. ამის უმთავრესი მიზეზი კი მისი მხრიდან, საკუთარი ძალების ჯეროვნად განაწილების უუნარობაში მდგომარეობას. ამასთან ხარებს როგორც წესი, არც საიმისო გამჭრიახობა ჰყოფნით, კონკტრეტული სამოქმედო გეგმა წინასწარ შეიმუშავონ ან მოსალოდნელ შედეგებზე სერიოზულად დაფიქრდნენ. მართალია გარშემომყოფები ხარს გამუდმებით და უშედეგოდ საყვედურობენ სიზანტისა და პასიურობის გამო, მაგრამ საქმე იმაშია, რომ ეს ადამიანი ცხოვრების დინებას მისთვის კომფორტულ და მისაღებ რიტმში მიჰყვება, სიჩქარე და უაზრო ფაციფუცი კი მისი სტილი არ გახლავთ. ამიტომ კიდეც რომ სცადოთ, ფეხს არაფრის დიდებით არ აუჩქარებს. ხარი ბუნებით ჭეშმარიტი მატერიალისტია, აქედან გამომდინარე ცხოვრებაში, საკუთარ თავს ძირითადად მატერიალური სახის მიზნებს უსახავს. ღრმა სულიერი და ინტელექტუალური ძიებები ამ ადამიანებისთვის საკმაოდ უცხოა. ხარი არც რომანტიკას სწყალობს მაინც და მაინც დიდად, მისი სიყვარული მიწიერ და ყოველგავარ აფეთქებებს მიკლებულ ემოციებს ეფუძნება. სამაგიეროდ სტაბილური და მუდმივია. ხარის ცხოვრების სიყმაწვილისა დ ადრეული ახალგაზრდობის წლები, როგორც წესი მუყაით შრომასა და ჯაფაში გადის. სამაგიეროდ უკვე მოწიფულ ასაკში, როცა ბოლოს და ბოლოს სასურველ სტაბილურობას მიაღწევს. იგი თავს განტვირთვისა და მოდუნების საშუალებასაც აძლევს. ამ პერიოდში მის პიროვნებაში იუმორის გრძნობაც იღვიძებს, რომელიც ამ ადამიანებს ასე ძალიან აკლია ცხოვრებისეული გზის დასაწყისში. ხარისთვის კარგი იქნება თუ ქორწინებაში ბედს ვირთხას, გველს ან მამალს დაუკავშირებს, ამ ადამიანებთან მას ჰარმონიული ოჯახური ცხოვრება ექნება. თუმცა თუ ხარი საკუთარ თავში ისეთი თვისებების გაღრმავებას შესძლებს როგორიცაა: კომპრომისზე წასვლის უნარი და დიპლომატია, მაშინ მას საერთო ენის გამონახვა ნებისმიერ ნიშანთან შეეძლება.

 

ვეფხვი

ვეფხვის წელიწადში გამორჩეულად მამაცი და დიდსულოვანი ადამიანები იბადებიან. აქედან გამომდინარე გასაკვირი როდია, რომ ამ ქმედით და ექსპანსიურ ნატურებს გარშემომყოფები, ყოველთვის ჯეროვანი პატივისცემითა და მოწიწებით ეპყრობიან. ვეფხვი უსაშველოდ მოუსვენარი, მოძრავი პიროვნებაა. თუმცა ამ ადამიანების საქმიანობა ხშირად შემთხვევაში, უსისტემო და ქაოტურ ხასიათს ატარებს. მართალია ვეფხვს უსაქმოდ ვერასოდეს ნახავთ, მაგრამ თვისება ხელიდან არ გაუშვას არც ერთი, თუნდაც სრულიად უმნიშვნელო საქმიანი შემოთავაზება, რეალურად მას ერთ კონკტრეტულ მიზანზე კონცენტრირების უნარს აკარგვინებს. რის შედეგადაც, პროფესიულ ასპარეზზე მარცხი არც თუ იშვიათად მოსდის. ვეფხვების კიდევ ერთი და უმთავრესი პრობლემა იმაში მდგომარეობს, რომ ისინი თითქმის არასოდეს აძლევენ თავს დასვენების ან მოდუნების უფლებას. ამიტომ გამუდმებულ საბრძოლო მზადყოფნასა და ფაციფუცში ცხოვრობენ. მშვიდად ყოფნას კი მხოლოდ იმ შემთხვევაში (და ისიც იძულებით) ახერხებენ, როცა ქრონიკული გადაღლის გამო, უკვე აღაფრის კეთების ძალა აღარ შესწვეთ ან ამავე მიზეზით სერიოზული ავადმყოფობა დარევთ ხოლმე ხელს. ვეფხვები საოცრად მომხიბვლელი და ქარიზმატული ინდივიდები არიან. ამიტომ საპირისპირო სქესის ყურადღების მიქცევას იმ შემთხვევაშიც ახერხებენ, როცა ამას გაკეთების სურვილი, შეგნებულად არც კი გააჩნიათ. ეს ადამიანები საკუთარი გულღია და მიმნდობი ბუნების გამო, ძალზე ხშირად თავადვე იტანჯებიან. გამომდინარე იქედან, რომ მათი გულწრფელობითა და სიძლიერით ბევრი გაიძვერა ოსტატურად სარგებლობს, ბოროტი ადამიანების მიერ დახლართული ინტრიგების მსხვერპლი, ვეფხვი არა ერთხელ ხდება. ვეფხვის საუკეთესო თვისება, კრიტიკულ სიტუაციაში სწრაფი ადაპტირებისა და შესაბამისი მოქმედების უნარია. ისინი არასოდეს იბნევიან იმ დროს, როცა ნამდვილი საფრთხე მოდის. თუმცა რიგ შემთხვევაში, ვეფხვისთვის ურიგო არ იქნებოდა დაფიქრებულიყო, სანამ უთანასწორო ბრძოლაში თავით გადაეშვებოდეს იმ ადამიანების გამო, ვინც მის თავგანწირვას ჯეროვნად არასოდეს დააფასებს. ქორწინებას რაც შეეხება, ამ მხრივ ვეფხვისთვის საუკეთესო მეგობრობისა და პარტნიორობის გაწევა დრაკონს, ცხენსა და ძაღლს შეუძლიათ. ცბიერი ვირთხა, ზანტი ხარი ან ზედმეტად სერიოზული, იდუმალებით მოცული გველი, ვეფხვის მსგავს მოუსვენარ და დაუოკებელ პიროვნებასთან ვერავითარ შემთხვევაში ვერ გაძლებს.

 

კურდღელი

წვრილმანებისადმი უსაზღვროდ ყურადღებიანი და საშინლად პრაქტიკული კატა-კურდღელი, ცხოვრებაში უპირველეს ყოვლისა ჰარმონიასა და კომფორტს დაეძებს. მხოლოდ ყოველივე ამის მოპოვების შემდეგღა დაფიქრდება იგი, პროფესიული კარიერის მოწყობაზე და მიზნის მისაღწევ გზებსაც ოსტატურად მოძებნის. კარგად განვითარებული, მძაფრი ინტუიციისა და წინდახედულების წყალობით, კურდღლი ყოველთვის დროულად ახერხებს თავი ოსტატურად აარიდოს ყოველგვარი სასხის კონფლიქტსა და შეხლა-შემოხლას. იმ შემთხვევაშიც კი, თუ ამ უთანხმოებას პირადად მასთან არანაირი კავშირი არ აქვს, იგი მაინც ჩირგვებში უსაფრთხოდ ყოფნას და სიტუაციისთვის შორიდან თვალის მიდევნებას ამჯობინებს. თავად მითუმეტეს, ეს დიპლომატი და დახვეწილი მანერების მქონე ადამიანი, არასოდეს გახდება კონფლიქტის პროვოცირების მიზეზი. კატა-კურდღელმა ყოველთვის შესანიშნავად იცის თუ სად, როდის და როგორ მოიქცეს, არც ნაადრევი დასკვნების გამოტანას ჩქარობს ხოლმე არასდროს. მართალია ამ ადამიანებს გადამეტებულ მომხვეჭელობაში ვერ დავადანაშაულებთ, მაგრამ ფაქტია რომ კურდღლის წელში დაბადებულებს, როგორც წესი თითქმის ყოველთვის პრესტიჟული, მაღალანაზღაურებადი სამსახური და სოლიდური ანგარიში გააჩნიათ ბანკში. პროფესიულ ასპარეზზე კურდღელის წარმატების უმთავრესი საწინდარი, მისი ნაკლებად აგრესიული ხასიათი და ჯანსაღი ამბიციურობაა. ეს ადამიანები თითქოსდა შეუმჩნევლად, მაგრამ შეუფერხებლად მიიწევენ კარიერულ კიბეზე წინ და საბოლოო ჯამში სწორედ მათგან გამოდიან: მსხვილი ბანკირები, ცნობილი მეწარმეები ან უბრალოდ დიდი კაპიტალის მქონე პირები. ამ ადამიანების ერთადერთი სუსტი წერტილი, საკუთარი ჯანმრთელობაა. ადრეული ბავშვობიდან მოყოლებული, ხანშიშესულ ასაკამდე, კატა-კურდღელს როგორც წესი უამრავი, არცთუ იოლი ავადმყოფობის გადატანა უხდება. თუმცა როგორც კატას შეეფერება, იგი ყოველთვის ახერხებს ნებისმიერი, ყველაზე რთული სიტუაციიდანაც კი თავის დაღწევას და ფეხებით კვლავ მიწაზე დავარდნას. კატა-კურდღელისთვის ჭეშმარიტი ბედნიერება და სულიერი სიმშვიდე, მხოლოდ ოჯახურ გარემოში ყოფნას მოაქვს. ოჯახები კი როგორც წესი ამ ადამიანებს, ყოველთვის დიდი და მრავალრიცხოვანი აქვთ. თუკი ცხოვრების მეგზურად კურდღლი ცხვარს, ღორს ან გულკეთილ ძაღლს აირჩევს, ბედნიერი ქორწინება გარანტირებული ექნება. მაგრამ ვეფხვი, მამალი და მით უმეტეს დრაკონი ამ ადამიანს ბედნიერებას ნამდვილად არასოდეს მოუტანს.

 

 

დრაკონი

დრაკონის წელში დაბადებული ადამიანები, როგორც წესი საზოგადოებაში საყოველთაოდ მისაბაძი ეტალონის რეპუტაციით სარგებლობენ. თუმცა მათი ამგვარი საპატიო სტატუსი, უფრო საკუთარი თავის ფლობის შესანიშნავ უნარსა და ”საგარეო იმიჯის” ოსტატურად შექმნის ცოდნას ეფუძნება, ვიდრე რაიმე განსაკუთრებული სახის პიროვნულ ღირსებებს. ამ ადამიანების გარეშე, არც ერთი არისტოკრატიული რაუტი, პრემიერა ან ოფიციალური მიღება არ ჩაივლის და მათ ნებისმიერი, ხალხმრავალი წვეულების ეპიცენტრში აღმოაჩენთ. დრაკონები როგორც წესი უნაკლოდ გამოიყურებიან, უზადოდ დახვეწილი გემოვნებით იცვამენ და საერთოდ ეხერხებათ საკუთარი პერსონისადმი ჯეროვანი ყურადღების მიქცევა აიძულონ გარშემომყოფთ. თუმცაღა ამგვარი ”ყალბი დიდებულების” მიღმა, დრაკონები ძალზე ხშირად თავიანთ საოცრად სუსტ და დაუცველ ნამდვილ სახეს მალავენ ხოლმე. სამაგიეროდ, უცხო თვალი ვერასოდეს შეამჩნევს, როგორი ხანგრძლივი და ღრმა ემოციებით იტანჯებიან ისინი, ამასთან ხშირ შემთხვევაში აფსოლუტურად უმნიშვნელო წვრილმანების გამო. უფრო მეტიც, ამაყი ბუნების გამო მათ არათუ სხვებთან, საკუთარ თავთანაც კი არ შეუძლიათ გულახდილი იყონ და ჩადენილი შეცდომები აღიარონ. დრაკონი ბუნებით გამოუსწორებელი რომანტიკოსი და იდეალისტია, ამიტომ ეს ადამიანები სასურველი პარტნიორის ძიებაში, ხანგრძლივი დროის მანძილზე, ერთი სასიყვარულო გატაცებიდან მეორეზე ადვილად და ძალზე სწრაფად გადადიან. იმედოვნებენ რა, რომ საბოლოოდ მაინც იპოვნიან ისეთ პიროვნებას, ვინც მათი მოლოდინის გამართლებას ბოლომდე შეძლებს. ქორწინებაში დრაკონისთვის შესანიშნავი მეწყვილე იქნება: ვირთხა, მაიმუნი ან ვეფხვი. აი ხარს და მით უმეტეს ძაღლს, ამ ადამიანმა ცხოვრება არავითარ შემთხვევაში არ უნდა დაუკავშიროს. ჩვეულებრივ დრაკონებს რთული ბავშვობა აქვთ, ხშირ შემთხვევაში მშობლების სიმკაცრით ან ოჯახში არასახარბიელო, მტრული ატმოსფეროთი დაღდასმული დრაკონი, უკვე დიდობაში საკუთარი ინტელექტუალური და გონებრივი შესაძლებლობების სრულად რეალიზებას ძნელად ახერხებეს. თუმცა წლების მატებასთან ერთად გადაიტანს რა, რამოდენიმე სერიოზულ ცხოვრებისეულ კრიზისს და იმედის გაცრუებას, დრაკონი დინჯ და ბრძენ ადამიანად ყალიბდება. ერთადერთი რისი სწავლაც მას უძნელდება, საკუთარი არასრულყოფილების მიღება და დაშვებული შეცდომების იუმორით დანახვაა. მართალია ზოგიერთ დრაკონს გადამეტებული ეგოიზმი, ამბიციურობა და სნობიზმი ახასიათებს, მაგრამ საერთო ჯამში ამ ადამიანებს საკმარისი პიროვნული ღირსებები გააჩნიათ, რომელსაც ხშირად მორიდებული ხასიათის გამო, ბოლომდე ვერ ან არ ამჟღავნებენ. 

 

 

გველი

გველი წარმატებას ყოველთვის საკუთარი მომხიბვლელობისა და იდუმალების ხარჯზე აღწევს. ნებისმიერ, ყველაზე ხალხმრავალ საზოგადოებაშიც კი, ამ ადამიანის არ შემჩნევა უბრალოდ წარმოუდგენელია. მას გარშემომყოფებისაგან უზადო გემოვნება, დახვეწილი მანერები და ჩაცმის არაორდინალური სტილი გამოარჩევს. გველის წელში დაბადებულ ადამიანს, ყოველთვის შესწევს საიმისო ძალა, რომ ნებისმიერი მეტოქე გზიდან ოსტატურად ჩამოიშოროს. ამიტომ ვინც გაბედავს და გველს დასახული მიზნისკენ სვლაში შეუშლის ხელს, ამ უკანასკნელისგან ნამდვილად მწარე გაკვეთილს მიიღებს. ისე კი გველების უმეტესობა, როგორც წესი მშვიდობიანი, ზომიერად კომუნიკაბელური და მეგობრული პიროვნებაა. გველს ბევრი ლაპარაკი საერთოდაც არ უყვარს, ამასთან იგი ბუნებით საკმაოდ სერიოზული ნატურაა და შესაძლოა ერთი შეხედვით გუჩათხრობილ ადამიანადაც კი მოგეჩვენოთ. თუმცა იმ შემთხვევაში, როცა ამ პიროვნებას რაიმე მართლა მნიშვნელოვან თემაზე სურს საუბარი, მისი ორატორული ნიჭი და ლაკონური აზროვნების უნარი გაგაოცებთ. გველს შესანიშნავად ეხერხება, საკუთარი პოზიციის სისწორეში ნებისმიერი ადამიანი დაარწმუნოს, ამასთან მისი გონება ერთბაშად უამრავ ინფორმაციას ამუშავებს და ინახავს. რასაც იგი შემდგომში, საჭიროების შემთხვევაში ძალზე ოსტატურად იყენებს. გველებს უაღრესად განვითარებული და ძლიერი ინტუიცია გააჩნიათ. ამიტომ შემთხვევითი როდია, რომ მათ შორის უამრავი მედიუმი და ნათელმხილველი გვხვდება. თუმცა გველის წელიწადში ქვეყანას, ყველაზე დახვეწილი შარლატანები და საშიში ავანტიურისტებიც შესაბამისი პროპორციულობით ევლინებიან. გველის მთავარი ნაკლი, მკვეთრად გამოხატულ ეგოიზმში მდგომარეობს, ამიტომ უმჯობესი იქნება თუ იგი საკუთარი მიღწევების შედეგის სხვებისთვის განაწილებას და გარშემომყოფთა ღირსებების მაქსიმალურად დაფასებას ისწავლის . ამ ადამიანებს ერთნაირად ეხერხებათ და უყვართ, ფულის როგორც შოვნა ისე ხარჯვა. არანაკლებ, იქნებ უფრო მეტადაც უყვართ, სინაზე და მოფერება. ამიტომ როგორც წესი უშეცდომოდ პოულობენ და ცხოვრების მეგზურად ირჩევენ ისეთ ადამიანებს, ვისგანაც ყოველივე ამის მიღება იქნება შესაძლებებლი. ქორწინებაში გველის საუკეთესო პარტნიორია: ხარი და მამალი, სწორედ ამ ორს შესწევს საიმისო ძალა, ბუნებით ფრთხილ გველს თავი დაცულად და კომფორტულად აგრძნობინოს. 

 

ცხენი

ცხენის წელში დაბადებულ ადამიანებს გარშემომყოფები ბრალს არცთუ იშვიათად, ხასიათში მკვეთრად გამოხატული ეგოიზმის გამო სდებენ და ეს ბრალდება არც თუ უსაფუძვლოა. ახლოს რომ გაიცნობთ დარწმუნდებით, რომ ცხენი ყოველთვის და ყველაფერში, მხოლოდ საკუთარი თავისთვის მისაღებ შედეგს დაეძებს. სათავისოდ მაქსიმალური კომფორტის შექმნაზე დაუღალავი ზრუნვა, ცხენებს იმდენად დიდ დროსა და ენერგიას ართმევს ცხოვრებაში, რომ მათ არც ერთი თავისუფალი წუთი აღარ რჩებათ საიმისოდ, რომ ზოგჯერ სხვათა გრძნობებზეც დაფიქრდნენ. თუმცა ამ ფაქტს ისინი მაინც და მაინც დიდად არც განიცდიან. ცხენისთვის ცხოვრება აზარტული რბოლაა, სადაც ცივი გონება, ანგარება და მაქსიმალური თავდაჯერების უნარია აუცილებელი. მართალია ზემოთ ჩამოთვლილ ამ თვისებებს, გარეგნულად იგი ბრწყინვალედ ფლობს, თუმცა გულის სიღრმეში ცხენი სიცოცხლის ბოლომდე მიმნდობი ბავშვია, რომლისთვისაც ემოციური კუთხით ზიანისა და ტკივილის მიყენება დიდ სირთულეს არ წარმოადგენს. ცხენები სნობები არიან და მათი ეს თვისება ყველაზე მკვეთრად, გემოვნებასა და ჩაცმულობის სტილში ვლინდება. ამ ადამიანებს შორის როგორც წესი, ყველაზე მეტი მოდის მიმდევარი და სხვადასხვა ცნობილი ბრენდის აქტიური თაყვანისმცემლია. ცხენი უაღრესად მერკანტილური ნატურაა, ამიტომ ხშირად ფულსა და ქონებას, სიყვარულსა და ოჯახზე წინაც კი აყენებს ხოლმე. თუმცა ამგვარი საქციელი მას უფრო ადრეული სიჭაბუკის წლებში ახასიათებს, მოგვიანებით კი, დაახლოებით 32-37 წლის ასაკში, მასში როგორც წესი, ფასეულობათა ძირეული გადაფასება ხდება. ამგვარი კარდინალური ცვლილების მიზეზი, ხშირ შემთხვევაში თავს დატეხილი დიდი ტრაგედია ან თავბრუდამხვევი სასიყვარულო რომანია. რაც არ უნდა უცნაურად ჟღერდეს, სიყვარული ცხენს ეგოიზმის დაძლევასაც კი აიძულებს. თუმცა ხშირ შემთხვევაში მისი ამგვარი აღმაფრენა, მწარე იმედის გაცრუებით მთავრდება და საბოლოო ჯამში, მთელს ქვეყანაზე დაბოღმილი ცხენი, სამუშაოში ყელამდე ჩაფლობას და ყველას მიმართ გულგრილობის გამოჩენას ამჯობინებს, რათა მწარე გულისტკივილი როგორმე დაივიწყოს. თუმცა არსებობს გამონაკლისი და ბედნიერი შემთხვევებიც, როცა იგი საყვარელი არსების ხათრით, ბოლომდე ახერხებს საკუთარი ”ეგოს” დამარცხებას. ამ შემთხვევაში, მით უმეტეს თუ მისი პარტნიორი ვირთხა ან ცხვარი იქნება, იგი შესანიშნავი ოჯახის შექმნას შეძლებს.

 

 

თხა

ამ წელს დაბადებული ადამიანები როგორც წესი, მრავალმხრივი შემოქმედებითი ნიჭითა და უსაზღვრო ფანტაზიის უნარით არიან დაჯილდოვებულნი. სამაგიეროდ ცხვარი აფსოლუტურად მოკლებულია ელემენტარულ დიპლომატიას და პრაქტიკულობას. იგი ბუნებით საშინელი ზარმაცია და მუყაით მუშაობას, საკუთარი საქმეების სამომავლოდ გადადება ან უკეთეს შემთხვევაში სხვისთვის გადაბარება ურჩევნია. სამაგიეროდ თავისი პრობლემების გადაჭრის სანაცვლოდ, იგი გარშემომყოფებს მისთვის დამახასიათებელი დადებითი, ხალისიანი განწყობითა და რთულ სიტუაციაში მორალური თანადგომით აჯილდოვებს. ამასთან ცხვარს მართლაც რომ შესანიშნავად ეხერხება ემოციური თვალსაზრისით მნიშვნელოვანი მხარდაჭერის გაწევა. ოპტიმისტური ბუნების გამო, იგი ცუდ ხასიათზე იშვიათადაა, ღიმილიანი და მხიარულია. ყოველივე ამას კი, სხვებსაც უშურველად უნაწილებს. თუმცა თავის მხრივ, მასაც გამუდმებით ესაჭიროება გარშემომყოფთა მხრიდან სითბო და ყურადღება, ხოლო თუ ეს ყველაფერი მოაკლდა ბუზღუნა, უკმაყოფილო და პრეტენზიული ხდება. ცხვარი ხანშიშესულ ასაკშიც კი, ბავშვურ ქცევებსა და შეხედულებებს ინარჩუნებს. ბავშვივით ანცი, თავქარიანი, გიჟმაჟი და მხიარულია. ამასთანავე საშინლად უპასუხისმგებლო და არასტაბილური. ამ ადამიანს იმდენად სძულს მოწყენილობა, რომ უკიდურეს შემთხვევაში თვითონვე შესწევს საკუთარი თავის გართობის ძალა. წერს ლექსებს, ხატავს, უკრავს და მღერის. ამასთან აზრადაც არასოდეს მოუვა, რომ ამგვარი სასიამოვნო ჰობი, კომერციულად მომგებიან საქმიანობად აქციოს და ამ გზით არც თუ ურიგო შემოსავლის წყარო გაიჩინოს. ფული კი მას არასოდეს არ ყოფნის, ცხვრები გამუდმებით ფინანსურ გაჭირვებას განიცდიან. ამასთან თანხის დიდ ნაწილს ძირითადად უაზრო და გამოუსადეგარი, წვრილმანი ნივთების შეძენაზე ხარჯავენ და არა რაიმე სერიოზულ ბიზნეს-დაბანდებაზე. მართალია ცხვრები არც აზარტულ თამაშებს, არც ნარკოტიკებს არ ეტანებიან, მაგრამ ფაქტია, რომ მათი უმრავლესობა თვიდან თვემდეც კი, ძვლივს ახერხებს თავის გატანას. ოჯახურ ცხოვრებაში ცხვრსითვის მეტ-ნაკლებად მისაღები კანდიდატურაა: ცხენი, ღორი ან კურდღელი. ვეფხვი ცხვრის უპასუხისმგებლობას მოთმინებიდან გამოჰყავს და მათი კავშირი ცუდად დასრულდება. ვერც სერიოზული და დინჯი ხარი დიდი ხნით, ცხვრის ფუქსავატობას.

 

 

მაიმუნი

ავანტიურისტი და გამჭრიახი გონების პატრონი, ცბიერი და მოხერხებული მაიმუნი, ხელიდან არასოდეს გაუშვებს შანსს, გამოწვევა ესროლოს ან სასაცილოდ აიგდოს მასზე ძლიერი ადამიანები. მისი ერთი შეხედვით არასერიოზული, გულუბრყვილო გარეგნობის მიღმა, წარმოუდგენლად გონიერი და ეშმაკი პიროვნება იმალება. ამ ადამიანს ძალა შეწევს არა თუ სხვის, საკუთარ ნაკლოვანებებსაც კი იუმორით შეხედოს და თავადვე აიგდოს მასხრად თავი. მართალია ზოგჯერ ისეც ხდება, რომ მაიმუნის წელში დაბადებული ადამიანი, საკუთარ ნიჭსა და შესაძლებლობებს ჯეროვნად ვერ აფასებს. მაგრამ ამგვარი შემთხვევები ძალზე იშვიათი და ისიც ხანმოკლეა. მაიმუნს გამჭრიახი აზროვნების უნარი აქვს, მაგრამ მიუხედავად ამისა ლიდერის პოზიციის დაკავებისაგან თავს იკავებს. მას უფრო ”რუხი კარდინალის” როლი ურჩევნია, რადგან მართალია გადაწყვეტილებების მიღება ეხერხება, მაგრამ ყოველგვარი სახის პასუხისმგებლობა აშინებს და აღიზიანებს. ამასთან იგი არც ვინმეს მიერ დახაზული სქემით მოქმედებას დასთანხმდება არასოდეს. თუმცა შეუძლია, სხვების მიერ დაწყებულ საქმეებში მისთვის სასურველი კორექტივები ოსტატურად შეიტანოს და წარმატებაც თავად შეიფეროს. მაიმუნი კომუნიკაბელური და ყურადღებიანია, ადვილად ახერხებს ნებისმიერი კომპანიის სული და გული გახდეს, თუმცა სიტუაცია რომ უკეთესად აკონტროლოს და საჭიროების შემთხვევაში უკან დასახევი გზაც მოიტოვოს, ურთიერთობაში დისტანციის დაცვას არჩევს. მაიმუნის სტიქია საიდუმლო გარიგებები და ათასგვარი ინტრიგების ხლართვაა, ამასთან მას შეუძლია სახეზე გულუბრყვილო ღიმილის მოუშორებლად აკონტროლოს მის გარშემო შექმნილი სიტუაცია. თუმცა ხშირად სრულიად უმიზეზო წვრილმანების გამო იშლის ნერვებს. საერთოდ მაიმუნი საკუთარი სიამოვნებისთვის ცხოვრობს, არ სცნობს ავტორიტეტებს და აფსოლუტურად გულგრილია ყოველგვარი ჩინებისა და რეგალიების მიმართ. ერთადერთი რისიც ამ მოუხელთებელ არსებას ეშინია, ეს სიბერეა. შემთხვევითი როდია, რომ პლასტიკურ ქირურგთა პაციენტების ძირითად ნაწილს, სწორედ მაიმუნის წელში დაბადებული ადამიანები შეადგენენ. ქორწინებაში მაიმუნისთვის კარგი პარტნიორობის გაწევა ვირთხას, დრაკონს ან ვეფხვს შეუძლია, სწორედ ისინი შესძლებენ მაიმუნის დამოუკიდებელი და ენერგიული ხასიათი ჯეროვნად შეაფასონ.

 

 

მამალი

ნებისმიერი მამლის ცხოვრება, მუდმივი აღმაფრენა-დაცემის უწყვეტ ციკლს წააგავს. ამასთან გასაოცარი სულის სიძლიერე, რომლის ხარჯზეც ეს ადამიანები, მორიგი მარცხის შემდეგ, ახალი წინსვლისთვის საკუთარ თავში ძალების პოვნას ახერხებენ, მართლაც რომ აღფრთოვანების ღირსია. მამალი ბუნებით ძალზე მამაცია, ამასთან ყოველთვის ჯეროვნად აფასებს, როგორც საკუთარ შესაძლებლობებს ისე მოსალოდნელი საფრთხის ალბათობას. თუმცა მიუხედავად რისკის სიდიდისა, უკან არასოდეს იხევს. ამიტომ გასაკვირი არაა ის ფაქტი, რომ ყველაზე ერთგული და საიმედო მეგობრობა სწორედ მამლებს შეუძლიათ. ამ ადამიანს ქვეყნად ვერავინ და ვერაფერი აიძულებს, გასაჭირში ჩავარდნილი ახლობელი დახმარების გარეშე მიატოვოს. მამალს კარგი გემოვნება აქვს, თუმცა შიში იმისა, რომ გარშემომყოფთა თვალში ზედმეტად სასაცილოდ არ გამოიყურებოდეს, მას ჩაცმულობის მხრივ თამამი ექსპერიმენტების ჩატარების საშუალებას ართმევს. აქედან გამომდინარე ამ ადამიანების სამოსი, ყოველთვის საზოგადოებაში მკაცრად მიღებულ სტილს ემორჩილება. ამ წელს დაბადებულთა ნაკლებ სასიამოვნო თვისებებს შორის აღსანიშნავია, გადამეტებული ტრაბახის სიყვარული. გარდა ამისა, მამლების ჩვევა, დაუღალავად ისაუბრონ საკუთარ მიღწევებსა თუ პროფესიულ საქმიანობაზე, ხშირად აუტანლად ღლის ხოლმე გარშემომყოფებს. მართალია მამლები მრავალმხრივ ნიჭიერები არიან, მაგრამ ერთ კონკრეტულ მიზანზე კონცენტრირება უჭირთ, რის გამოც წარმატებას მხოლოდ დიდი ხნის შრომისა და ნებისყოფის უკიდურესი დაძაბვის შედეგად აღწევენ. ამასთან მუშაობისას მათთვის მთავრი სტიმულის მომცემი, გარშემომყოფთა მხრიდან შექება და წახალისება უფროა, ვიდრე სოლიდური ანაზღაურების მოლოდინი. ნებისმიერი მამალი გამოკვეთილი, კაშკაშა ინდივიდია, ამიტომ გასაკვირი როდია, რომ მათ საზოგადოებაში საყოველთაოდ მისაბაძ ეტალონებად თვლიან. თავად მამლებს რაც შეეხებათ, მათ ამგვარი საჯარო შექება იოტისოდენ უხერხულობასაც არ უქმნით. ისინი ერთგვარი სიამოვნებითაც კი იწონებენ თავს, საზოგადოების წინაშე. რადგან საკუთარი შესაძლებლობების ფასი, მშვენივრად იციან. ქორწინებაში მამალს კარგ პარტნიორობას გველი, ძაღლი ან დრაკონი გაუწევს. ისინი მის საქციელში პერიოდულად გამოვლენილ ცინიზმსა და ეგოისტურ ელემენტებს ნაკლებად ამჩნევენ. სამაგიეროდ ჯეროვნად აფასებენ მის კაცთმოყვარეობას, გულუხვობასა და პატიოსნებას.

 

 

ძაღლი

ძაღლის წელში დაბადებული ადამიანები სხვებისაგან უსაზღვრო პატიოსნებითა და ერთგულებით გამოირჩევიან. აქედან გამომდინარე, გარშემომყოფთა შორის ყოველთვის განსაკუთრებული პატივისცემითა და სიყვარულით სარგებლობენ. ძაღლები დიდსულოვანი, მზრუნველი ნატურები არიან. არ ახასიათებთ უმადურობა და ყოველთვის ცდილობენ კეთილისმყოფელს ადექვატური საქციელით უპასუხონ. თუ ძაღლი ხალისიან განწყობაზეა, მასზე კარგ კომპანიონსა და თანამოსაუბრეს ვერსად იპოვით. მაგრამ თუ გუნება გაუფუჭდა, უსაშველოდ ენამწარე და ცინიკოსი ხდება. ასეთ დროს მას არაფრად უღირს, ქუჩაში უბრალო გამვლელსაც კი უმიზეზოდ აუხირდეს და შარი მოსდოს. ძაღლები აფასებენ ტრადიციებს, მკაცრად ემორჩილებიან კანონებს და საკმაოდ ქველმოქმედი ნატურები არიან. ამ წელს დაბადებულებს სხვებისაგან, ასაკოვანი ადამიანების მიმართ განსაკუთრებული მოწიწებისა და პატივისცემის გრძნობა გამოარჩევს. ხანშიშესული ან მოხუცებული ადამიანის წყენინებას, თვით ყველაზე ავი ძაღლიც კი არასოდეს იკადრებს. ძაღლისთვის ცხოვრების მთავარი აზრი და ძირითადი მოწოდება, სამართლიანობისთვის ბრძოლაში მდგომარეობს. ამიტომ იგი დეპრესიაში ვარდება თუკი ხედავს, რომ არსებული სიტუაციის უკეთესობისკენ შეცვლას საკუთარი ძალებით ვერ ახერხებს. ყველაზე უფრო მტკივნეულად კი, ახლობელი ადამიანების მხრიდან ღალატისა და ორგულობის შემთხვევები გადააქვს. ასეთ დროს ძაღლი იმდენად განიცდის მომხდარს, რომ შესაძლოა მომეტებული ნერვიულობის ნიადაგზე სრულიად გაუაზრებელი, საბედისწერო ქმედებებიც კი ჩაიდინოს ან სულაც ჯანმრთელობა დაიზიანოს. ჯერ კიდევ ადრეული ბავშვობიდან, ძაღლი ინტუიტიურად გრძნობს, რომ მხოლოდ კარგი ადამიანებით არაა გარშემორტყმული. ამიტომ მაქსიმალურად ცდილობს, ცხოვრების მანძილზე დადებითი და ოპტიმისტი მეგობრები შეიძინოს და შემოიკრიბოს. ქორწინებას რაც შეეხება, ვეფხვთან, კატასთან და ცხენთან მას ჰარმონიული ოჯახის შექმნა შეუძლია, რადგან ამ უკანასკნელთ ძალა შესწევთ დაეხმარონ ძაღლს, გარემომცველი სამყაროს ნაკლებ იდეალურობას როგორმე შეურიგდეს. აი დანარჩენ ნიშნებს კი, სავარაუდოდ ძაღლთან საერთო ენის გამონახვა გაუჭირდებათ.

 

 

ღორი

ამ წელს დაბადებული ადამიანები განსაკუთრებული ზნეობრივი თვისებებითა და სულიერი სიძლიერით გამოირჩევიან. უჩვეულო გულწრფელობა, გარშემომყოფთა მიმართ კეთილი დამოკიდებულება და სხვათა ნაკლოვანებების მიმართ ტოლერანტული მიდგომა, ღორებს საზოგადოებაში განსაკუთრებულ სიყვარულსა და პატივისცემას უხვეჭავს. ამას გარდა მათ უმრავლესობას, დახვეწილი გემოვნება გააჩნია და როგორც წესი სახელოვნებო სფეროებშიც საკმაოდ კარგად ერკვევიან. თანდაყოლილი სტილის გრძნობის წყალობით, ღორს ყოველთვის უზადოდ დახვეწილი გემოვნებით აცვია და საცხოვრებელი ადგილიც შესაბამისი დიზაინით აქვს მოწყობილი. ამ ადამიანებთან ურთიერთობას ბევრი ეძებს, უპრველეს ყოვლისა მათი მხრიდან მეგობრული თანადგომისა და ოპტიმისტური განწყობის გაზიარების თვალსაზრისით. თუმცა ოპტიმიზმის ამგვარი, მოჩვენებითი ნიღბის მიღმა, ძალზე ხშირად ღორი ძლიერ სულიერ განცდებს მალავს, რომლითაც მას გარშემომყოფთა შეწუხება უბრალოდ არ სურს. ღორებს ძალზე განვითარებული ინტუიცია აქვთ, ამიტომ ახლობელი ადამიანების ტკივილი და გასაჭირი გულთან საკუთარივით ახლოს მიაქვთ. საერთოდაც, სხვათა კარგად ყოფნისთვის ისინი გამუდმებით და დაუღალავად იღწვიან. მეტიც, ზოგიერთი ახლობლის ცხოვრების უკეთ მოწყობაზე ფიქრი, ღორს უბრალოდ მოსვენებას უკარგავს ხოლმე. ეს ადამიანები გარშემომყოფებს გამუდმებით ამარაგებენ ბრძნული რჩევებითა და შეგონებებით. თუმცა სწორედ თავიანთი, ამგვარი მზრუნველი ბუნებიდან გამომდინარე ხდება ხოლმე, რომ ხშირად საკუთარ შვილებს გადამეტებული სიმკაცრითაც კი ეპყრობიან. ღორი როგორც მატერიალური, ისე ემოციური ფასეულობების გაღების თვალსაზრისით, უკიდურესად გულუხვი ნატურაა, აქედან გამომდინარე მისთვის პერიოდულად სულიერი სიცარიელისა და მარტოობის განცდა უცხო არაა. თუმცა როგორც წესი, ამგვარი განდეგილობის ხანას, ღორის ცხოვრებაში აქტიური და ქმედითი პერიოდი ცვლის. ღორს ფულისა და მატერიალური დოვლათის შეგროვების განსაკუთრებული სიყვარული არ ახასიათებს, იგი ცხოვრებისთვის საარსებო მინიმუმითაც კმაყოფილდება, მაგრამ მიუხედავად ამისა, არც თუ იშვიათად ხდება დიდი ქონების პატრონი. ამ ადამიანისთვის ძალზე დიდი მნიშვნელობა აქვს მიწასთან, ბუნებასთან ხშირ კონტაქტს. ამიტომ მათი უმრავლესობა ხშირად ქალაქგარეთ ცხოვრებას ამჯობინებს. ქორწინებაში ღორისთვის საუკეთესო წყვილი კურდღელი, ცხვარი და დრაკონი შეიძლება იყოს. ნაკლებად პოულობს იგი საერთო ენას გველთან და მით უმეტეს მამალთან.